Government of Nepal

Ministry of Communications and Information Technology

Minimum Wages Fixation Committee

नवनियुक्त अध्यक्ष अर्याललाई प्रेस संगठनको शुभकामना

भक्तपुर, १९ फागुन

प्रेस संगठन नेपाल, उपत्यका प्रदेश कमिटीले श्रमजीवी पत्रकारका लागि गठित न्यूनतम पारिश्रमिक निर्धारण समितिका नवनियुक्त अध्यक्ष राजेन्द्र अर्याललाई बधाई दिंदै श्रमजीवी पत्रकारका मुद्दा सम्बोधन हुने विस्वास व्यक्त गरेको छ ।

सोमबार संगठनको उपत्यका प्रदेश कमिटीको विस्तारित बैठकमा प्रमुख अतिथिको रुपमा उपस्थित संगठनका केन्द्रीय नेता अर्यालले महत्वपूर्ण जिम्मेवारी पाएकोमा खुशी व्यक्त गर्दै बधाई तथा शुभकामना कार्यक्रम गरिएको संयोजक नवराज दाहालले जानकारी दिए । कार्यक्रममा संगठनका उपत्यका इन्चार्ज शुरोजंग पाण्डे, सहसंयोजक प्रकाश सिलवाल, वागमति प्रदेश इन्चार्ज विश्वमणि सुवेदी,उपत्यकाका तिन वटै जिल्लाका संयोजक सहसंयोजक लगायतको उपस्थिति रहेको बताइएको छ ।

उक्त अवसरमा न्यूनतम पारिश्रमिक निर्धारण समितिका नवनियुक्त अध्यक्ष अर्यालले आफू पत्रकारको हकहितका लागि कुनै कसर बाँकी नराख्ने भन्दै प्रेस संगठनको नेता भन्न गर्व लाग्ने गरी आफ्नो जिम्मेवारी पुरा गर्ने प्रतिवद्धता प्रकट गरेका थिए ।

तत्कालिन प्रेस चौतारी नेपालका पूर्व केन्द्रीय अध्यक्षसमेत रहेका अर्याल प्रेस संगठन नेपालका केन्द्रीय नेता हुन् । समितिका निवर्तमान अध्यक्ष गंगाधर पराजुलीको कार्यकाल सकिएपछि रिक्त भएको पदमा आइतवार बसेको मन्त्रिपरिषद् बैठकले अर्याललाई समितिको अध्यक्षमा नियुक्त गर्ने निर्णय गरेको हो ।

नवनियुक्त अध्यक्ष अर्याललाई प्रेस संगठनको शुभकामना

© copyright 2019 and all right reserved | Site By : SobizTrend Technology